Жүйке жүйесін нығайтатын өнімдер

Барлық аурудың жүйке жүйесінің сыр беруінен басталатыны құпия емес. Дұрыс тамақтан: бұл сізге ауруларды болдырмауға және жақсы көңіл-күйді сақтауға көмектеседі!

Жүйке жүйесін тыныштандыру үшін витаминдерге бай және ағзаға седативті әсер ететін табиғи өнімдерді үнемі пайдалану қажет. Ең алдымен, бұл B1, B2 және B12 витаминдері. Сонымен қатар, ағзаға йод пен ақуыздың жеткілікті мөлшерін беру керек. Әйтпесе Альцгеймер ауруын тудыру қаупі бар.

Біздің өнімдер тізімін біз жидектерден бастаймыз. Жидектердің көптеген түрлерінің ішінен зерттеушілер әсіресе қаражидек пен көкдидектің қасиеттерін ерекше атайды. Осы жидектердің құрамына кіретін антоциан адамның жүйке жүйесінің қартаю процесін баяулатады. Марганецтің ең көп мөлшері қаражидектің құрамында кездеседі, онсыз жыныстық, жүйке және қан жүйесі, тірек-қимыл аппараты қалыпты жұмыс істеуі мүмкін емес.

Жидектермен қатар жүйке жүйесін қолдау үшін жаңа піскен көкөністер мен жемістерді жеу керек. Ең пайдалы, көмірсулар және басқа да пайдалы заттарға бай өнім – банан. Бір бананның құрамындағы магний мөлшері – дененің тәуліктік қажеттілігінің алтыдан бір бөлігін құрайды. Магний бұлшық ет ұлпасын түзеді, сүйек пен жүйке жасушаларын нығайтады. Магнийден басқа бұл жеміс жүйке жүйесінің жұмыс істеуі үшін қажет калий мен В6 витаминіне бай. Банан ақыл-ой қабілетін арттырады және депрессиядан құтылуға көмектеседі. Бұл жемістің құрамында протеиннің бір түрі – триптофан бар, ол өз кезегінде ағзаға көңіл-күйді жақсарту қасиетімен белгілі серотонинге айналады. Көкөністерден қызылша, пісірілген соя бұршағы, пияз, сарымсақ, сондай-ақ жасыл (латук салаты, кресс-салат, қыша жасылы және т.б.) өте пайдалы.

Жүйке жүйесі үшін глюкоза ерекше маңызды екенін атап өткім келеді. Қанттың концентрациясын қалыпты деңгейде ұстап тұру үшін ас қорыту процесінде қанға үнемі түсетін және ми мен нервтердің бірқалыпты қоректендіретін глюкоза өндірілетін, тазартылмаған нан дәндері, жемістер, салаттар, көкөністер мен картоп түріндегі кешенді көмірсуларды ғана тамақпен қабылдау керек.

Біздің ағзамыз қажет ететін ең өткір жетіспеушілік – бұл денсаулық пен күш-жігерді қолдау үшін қажетті кальций жетіспеушілігі. Қандағы кальций деңгейі төмендесе, сіздің жүйкеңіз әлсіреп, тітіркенгіш болып, депрессияға да түсуіңіз ықтимал. Егер сіз әрқашан жақсы көңіл-күйде қалғыңыз келсе және өзіңізді жақсы сезінгіңіз келсе, күнделікті кальций нормасын алуды ұмытпаңыз.

Кальцийге бай тағамдар:

– тазартылған бадам жаңғағы;

– ірімшіктер: ешкі, қой, кез келген табиғи, табиғи жолмен алынған, ескі ірімшік;

– сүт: ешкі, шикі, құрғақ;

– тұтас астық ұны;

– сүйек ұн.

Абайлаңыз: қауіпті өнімдер

Жүйке жүйесі үшін негізгі пайдалы өнімдер аталды, бірақ төменде көрсетілген өнімдерді шектен тыс пайдаланудан аулақ болыңыз:

– қант және түрлі тәттілер;

– тәтті газдалған сусындар;

– ысталған және өте ашты тағамдар;

– жартылай фабрикаттар;

– күшті кофе;

– өте майлы тағамдар.

Жүйке жүйеңізді сақтаңыз, пайдалы азық-түліктерді жеңіз, деніңіз сау және бақытты болыңыз!